Një incident ka ndodhur mëngjesin e sotëm në Athinë me protagonist një qytetar shqiptar. Mediat fqinje shkruajnë se rreth orës 09.00 patrulla e policisë ndaloi një automjet tip “Peugeot”.
Ata i bënë sinjal shoferit që të ndalonte për ta kontrolluar dhe vunë re se makina ishte e vjedhur. Ndërsa, shoferi për të cilin thuhet se është shqiptar, raportohet se e shtyu një nga policët, hipi në makinë dhe tentoi të largohej.
Më tej oficeri i policisë qëlloi në drejtim të shqiptarit dy herë, dhe një prej plumbave e kapi në këmbë. Në vendin e ngjarjes ka arritur ambulanca, ndërsa vijon po operacioni policor.
Sipas medieve greke, autoritetet e sigurisë kanë njoftuar se 35-vjeçari rezulton me rekorde të mëparshme kriminale, ndërsa ndaj tij janë ngritur një sërë padish.
