Të shtëna me armë në festën e maturës, 9 të plagosur

Të shtëna me armë në SHBA. Të paktën 9 adoleshentë u plagosën në një festë mature në Teksas.

Incidenti ndodhi pak pas mesnate të dielën në një rezidencë në County Road 263, në veri të Jasper, Teksas.

“Ky hetim është në vazhdim dhe njerëzit po merren në pyetje,” tha zyra e sherifit në një deklaratë të dielën.

Policia tha se ishin rreth 250 persona në festë kur ndodhën të shtënat. Shumica e viktimave u transportuan në Spitalin Jasper Memorial dhe disa u transferuan në Christus St. Elizabeth në Beaumont, Teksas, për trajtim më të specializuar. Personat e plagosur ishin të moshave nga 15 deri në 19 vjeç.