Të shtëna me armë në Vorë, konflikti për para borxh

Një konflikt mes personave në dy makina në afërsi të rrethrrotullimit të Vorës ka përfunduar me përdorimin e armës së zjarrit.

Ngjarja është regjistruar sot (24 shtator 2024) rreth orës 17:40, në afërsi të rrethrrotullimit të Vorës

“Ka patur një konflikt mes shtetasve A. G., 25 vjeç, E. L., 39 vjeç, të cilët lëviznin me një mjet “Volksëagen Golf 5”, dhe shtetasit J. L., 31 vjeç, që lëvizte me një mjet tip “BMW”. Gjatë konfliktit nga automjeti tip “BMË” dyshohet se është qëlluar një herë me armë zjarri në ajër. Nga e shtëna me armë zjarri nuk ka persona të dëmtua”, njofton policia.

Shërbimet e Policisë po punojnë për kapjen e personit që ka qëlluar me armë, ndërsa grupi hetimor po punon për sqarimin e rrethanave të ngjarjes.

Megjithatë konfirmohet se nuk ka pasur të lënduar nga ky incident, shkak për të cilin dyshohet se ka qenë një borxh.

Ndërkohë, sipas burimeve, lidhur me konfliktin e ndodhur sot mes tre personave në Vorë. Sipas informacioneve të reja, asnjëri nga personat e përfshirë nuk është banor i Vorës.

Raportohet se ata kanë komunikuar me njëri-tjetrin nëpërmjet telefonit për të caktuar një takim në Vorë, me qëllim për të sqaruar një konflikt të mëparshëm që dyshohet se lidhet me një çështje borxhi.

Gjatë këtij takimi, situata ka degjeneruar, dhe sipas informacioneve të raportuara, 31-vjeçari J. L, i cili udhëtonte me një mjet tip BMW dyshohet se ka qëlluar me armë zjarri nga makina.

Sakaq, ai ende nuk është arrestuar nga policia, e cila ka nisur kërkimet për kapjen e tij pas ngjarjes.

gijotina.com/