Të shtënat me armë që raportuam pak minuta më parë nga policia në Durrës, kanë ndodhur te lokali i këngëtarit të famshëm, Noizyt në zonën e Currilave.
Mësohet se i plagosur nga të shtënat ka mbetur Ardit Kërtusha ish-kandidati për kreun e PS në Durrës dhe ish kreu i FRESH. Ai është plagosur me armë në këmbë pas një konflikti për motive të dobëta, ndërsa ndodhet në spital jashtë rrezikut për jetën.
Kërtusha është një figurë e njohur për mediat pasi në të shkuarën nuk kanë munguar rastet ku ai ka denoncuar kapjen e kupolës drejtuese të PS-së së Durrësit nga ish-kryebashkiaku Vangjush Dako. Pak para zgjedhjeve të 25 prillit ai u afrua me PD-në duke u shfaqur në krah të ish-kryedemokratit Lulzim Basha.
Policia po vijon punën për identifikimin dhe kapjen e autorit. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
Discussion about this post