Banesa e një efektivi në Tiranë, është sulmuar me armë zjarri nga disa persona të paidentifikuar. Ilir Pica, efektivi i Policisë Rrugore Mat është kërcënuar me jetën, ndërsa familjarët janë terrorizuar nga të shtënat me armë zjarri.
Vetë ngjarjen e ka denoncuar polici, sipas të cilit më datë 27 tetor në afërsi të Kthesës së Kamzës në Tiranë, është sulmuar me armë zjarri. Ai ndër të tjera ka deklaruar se nuk ka konflikte me asnjë.
Nga ana e Policisë së Shtetit nuk ka ende asnjë informacion zyrtar në lidhje me këtë ngjarje.
Nuk dihen ende shkaqet që kanë çuar autorët në banesën e Picës për të qëlluar me armë, por dyshohet se bëhet fjalë për ndonjë konflikt për shkak të detyrës.
Discussion about this post