Të shtëna me armë zjarri në Fier – Detajet e ngjarjes (Video)

Të shtëna me armë zjarri janë shënuar në Levan të Fierit në vazhdën e një konflikti. Sipas policisë, personi që ka qëlluar është një 25-vjeçar, i cili është arrestuar.

Sipas bluve, Andon Muharremi “ka qëlluar për të kanosur” një 35-vjeçar, i cili ishte pjesë e grupit me të cilët i riu është konfliktuar. Nga ngjarja nuk raportohet për persona të lënduar.

Ngjarja

“Pas marrjes së njoftimit se në fshatin Levan, Fier, disa shtetas po konfliktoheshin me njëri-tjetrin, shërbimet e Komisariatit të Policisë Fier dhe të Forcës Kombëtare të Sigurisë, Njësia Fier, kanë shkuar menjëherë në vendin e ngjarjes dhe kanë bërë të mundur kapjen në flagrancë dhe arrestimin e shtetasit A.M., 25 vjeç, banues në Levan”, njoftoi policia këtë të martë.

“Ky shtetas është konfliktuar fizikisht, për motive të dobëta, me shtetasin P. O., 35 vjeç dhe me disa shtetas të tjerë. Më pas, 25-vjeçari ka marrë në banesën e tij, një armë zjarri kallashnikov me të cilën ka qëlluar për të kanosur 35-vjeçarin”, shtuan të njëjtat burime.

Materialet procedurale i kaluan Prokurorisë, për veprime të mëtejshme, për veprat penale “Kanosja” dhe “Mbajtja pa leje dhe prodhimi i armëve, armëve shpërthyese dhe i municionit”, mbyllet njoftimi i policisë.