Të shtëna me armë zjarri kanë ndodhur mëngjesin e sotëm në drejtim të një lokali në Kamëz. Sipas policisë në bulevardin “Donald Trump”, janë thyer (dyshohet me armë zjarri) xhamat e lokalit në pronësi të shtetasit N. M.
Në momentin kur ka ndodhur ngjarja, lokali ka qenë i mbyllur. Grupi hetimor po punon për sqarimin e rrethanave të ngjarjes, identifikimin dhe kapjen e autorit.
“Më datë 11.03.2023, rreth orës 05:10, në Kamëz, në bulevardin “Donald Trump”, janë thyer (dyshohet me armë zjarri) xhamat e lokalit në pronësi të shtetasit N. M.. Lokali në ato momente ka qenë i mbyllur.
Grupi hetimor po punon për sqarimin e rrethanave të ngjarjes, identifikimin dhe kapjen e autorit.”, tha policia.
Të shtënat me armë në Kamzë kanë qenë drejt lokalit të Astrit Lamit. Ky i fundit ia kishte dhënë me qira Ndriçim Mullhajt.
Po hetohet ndonjë konflikt i pronarit ose qiraxhiut, edhe pse të dy kanë deklaruar se nuk kanë konflikte.
Si pistë të dytë hetuesit kanë atë që autorët mund të kenë ngatërruar objektiv.
Discussion about this post