Të shtëna me armë zjarri në Korçë, autori kërcënon nga banesa se…

Një person raportohet se ka qëlluar me armë zjarri në lagjen 15 të qyetetit të Korçës, por mësohet se nuk ka të plagosur.

Policia ndodhet në vendngjarje dhe po punon për zbardhjen e rrethanave.

Ende nuk ka një njoftim zyrtar nga uniformat blu lidhur me të shtënat me armë.

Autori dyshohet se është brenda banesës dhe kërcënon se do të qëllojë.

Ai ka dalë në dritare me armë. Mësohet se efektivët po negociojnë me autorin, duke i kërkuar që të dorëzohet.

Në vendngjarje pritet edhe mbërritja e forcave RENEA dhe forcave operacionale nga Tirana.