Një person ka mbetur i plagosur pas disa të shtënave me armë zjarri në Klinë. Lidhur me rastin, Policia ka arrestuar një person të dyshuar.
Rastin e ka konfirmuar për Express, zëdhënësi i Policisë së Kosovës për rajonin e Pejës, Driton Rugova.
“Sonte rreth orës 21:00 ka ndodhur një plagosje me armë zjarri në rrugën “Abedin Rexha” në Klinë.
Lidhur me këtë rast, është plagosur një person, i cili është dërguar në Spitalin Rajonal të Pejës, për trajtim të mëtutjeshëm. I dyshuari është arrestuar”, ka thënë Rugova.
