Duket se krimi nuk gjen qetësi në vendin tonë. Pak pas mesditës së sotme mësohet se janë regjistruar të shtëna me armë zjarri në plazhin e Tales në Lezhës.
Nga informacionet paraprake mësohet se ngjarja ka ndodhur në ambientet e një lokali, ndërsa si pasojë e të shtënave me armë zjarri ka mbetur i plagosur një person.
Burime bëjnë me dije se krimi ka ndodhur pas një sherri të çastit, teksa Policia ka mbërritur në vendin e ngjarjes.
Lezhë/Informacion paraprak
Rreth orës 13:30, në një zonë larg pushuesve në plazhin Tale, dyshohet se pas një konflikti për motive të dobëta mes dy shtetasve (motive xhelozie) ka mbetur i plagosur me armë zjarri, jashtë rrezikut për jetën, shtetasi A.M., 27 vjeç, banues në Zejmen, Lezhë.
Shërbimet e Policisë kanë shkuar menjëherë në vendin e ngjarjes dhe vijojnë punën për kapjen e autorit, i cili është i identifikuar nga ana e Policisë.
Autori i dyshuar i ngjarjes, shtetasi E.L, 30 vjeç, pasi ka kryer plagosjen, është larguar me një automjet në drejtim të autostradës, ku menjëherë janë ngritur dhe funksionojnë pikat e përkohshme të kontrollit policor.
Grupi hetimor ka sekuestruar në vendngjarje celularin e autorit të dyshuar dhe prova të tjera që do t’i shërbejnë hetimit për dokumentimin ligjor të këtij rasti.
Grupi hetimor, nën drejtimin e Prokurorit, po vijon veprimet hetimore për sqarimin e rrethanave dhe dokumentimin e plotë ligjor të rastit.
Discussion about this post