Të shtëna me armë zjarri në SHBA, vriten 2 persona brenda restorantit

Një person është arrestuar pas të shtënave që vranë dy burra në një restorant të njohur në Kentaki të enjten në mbrëmje.

Sipas Abc news, departamentit të Policisë së Metrosë në Louisville, 21-vjeçari Karson Reitz u arrestua dhe u akuzua për vrasje lidhur me të shtënat në vendndodhjen e restorantit Roosters në Preston Highway. Deklaratat nga vendi i ngjarjes tregojnë se restoranti ishte i frekuentuar kur ndodhën të shtënat sipas zëdhënëses së departamentit të policisë Alicia Smiley.

Zyra e Kërkimit të Qarkut Jefferson identifikoi dy të vrarët si 48-vjeçari Michael Miller nga Louisville, i cili vdiq në vendngjarje dhe 51-vjeçari Bradley Cross nga Shepherdsville, i cili vdiq në spital. Sipas Smiley, pamjet e sigurisë brenda restorantit tregojnë se Reitz qëllon dy personat dhe më pas ka pranuar krimin për një detektiv. Smiley tha se askush tjetër nuk u lëndua.

Hetimi është në vazhdim. Policia ende nuk ka thënë se cili ishte motivi sipas tyre. Restoranti postoi në Facebook se do të qëndrojë i mbyllur të premten dhe do të rihapet të dielën.