Të shtëna me armë zjarri në Shkodër. Mësohet se rreth orës 02:00 të natës që lamë pas, shtetasi A.B 42 vjeç, ka njoftuar policinë se dikush ka qëlluar në drejtim të makinës së tij “Toyota” të cilën e kishte marrë me qera.
Nga ngjarja nuk ka patur të lënduar, por vetëm dëme të vogla materiale.
Njoftimi zyrtar i policisë
Rreth orës 02:00, shtetasi A. B., 42 vjeç, banues në fshatin Mjedë, ka njoftuar sallën operative se në aksin rrugor “Shkodër-Vau i Dejës”, në rrugën e fshatit Vukatane, Shkodër, është qëlluar me armë zjarri në drejtim të automjetit tip “Toyota”, të cilin e kishte marrë me qira, duke shkaktuar vetëm dëme të vogla materiale.
Është ngritur menjëherë grupi hetimor dhe nën drejtimin e Prokurorisë pranë Gjykatës së Rrethit Gjyqësor Shkodër, vijon puna për zbardhjen e rrethanave të ngjarjes, identifikimin dhe kapjen e autorit/ve.
Discussion about this post