Katër plumba janë qëlluar mesditën e sotme ndaj një Range Rover në lagjen Partizani në Shkodër. Bëhet me dije se u qëllua ndaj automjetit me targa AB 230 EO në pronësi të Sokol Kajoshit.
Personi që u qëllua me armë zjarri në Shkodër teksa po lëvizte me Range Rover dyshohet se ka qenë Arjon Kajoshi, djali i Sokol Kajoshit, i cili është pronar me letra i makinës. Menjëherë pas të shtënave, ka braktisur makinën dhe është larguar. Megjithatë nuk përjashtohet që shofer i mjetit të ketë qenë djali tjetër i Sokolit, Arlindi i cili është në kërkim.
Ngjarja dyshohet të jetë hakmarrje për rrahjen e 62-vjeçarit, Vladimir Bruçi, në fillim të muajit qershor. Në mesin e 5 persoave që janë shpallur në këkrim në aktë kohë është edhe Arlind Kajoshi, djali i Sokol Kajoshit. Policia në Shkodër po pyet dëshmitar për të vërtetuar cili ka qenë personi i saktë. Dëshmitar të vendit të ngjarjes kanë deklaruar se mund të jetë Arjon Kajoshi.
“Rreth orës 12:30, në lagjen “Partizani”, dyshohet se është qëlluar me armë zjarri në drejtim të një automjeti “Land Rover” në lëvizje, në pronësi të shtetasit S.K. Nga të shtënat nuk ka përsona të lënduar. Shërbimet e Policisë kanë ngritur pika kontrolli në hyrje-dalje të qytetit dhe vijojnë kontrollin në zonë për kapjen e autorit/ve”, njoftoi policia.
Lexo edhe:
Discussion about this post