Një konflikt mes disa personave në kryeqytet ka përfunduar me përdorimin e armëve të zjarrit.
Burime bëjnë me dije se ngjarja ka ndodhur në zonën e Institutit, ku gjatë një konflikti për motive të dobëta, njëri nga personat ka qëlluar në ajër me armë zjarri.
Bëhet e ditur se nga të shtënat nuk ka patur persona të lënduar.
Raportohet se një prej të përfshirëve në konflikt është arrestuar nga policia.
“Rreth orës 11:10, në Institut, dyshohet se gjatë një konflikti për motive të dobëta është qëlluar me armë zjarri në ajër.
Shërbimet e Policisë kanë shkuar menjeherë në vendngjarje dhe kanë shoqëruar për veprime të metejshme shtetasin Y. C, i dyshuar i përfshirë në konflikt.
Gjatë kontrollit fizik këtij shtetasi i është gjetur një armë zjarri pistoletë.
Aktualisht, nuk ka të dhëna për persona të dëmtuar/lënduar.
Punohet për identifikimin e kapjen e shtetasve të tjerë të përfshirë në konflikt dhe dokumentimin e plotë të ngjarjes.
Në përfundim të hetimeve do të jepet një njoftim më i plotë për rastin.”– njofton policia.
Discussion about this post