Të shtëna me armë zjarri në Tiranë/ Raportohet për 4 të plagosur, dy në gjendje të rëndë

Një atentat me armë zjarri ka ndodhur mbrëmjen e sotme në Tiranë, ku raportohet se 4 person kanë mbetur të plagosur.

Bëhet fjalë për shtetasit Arens Stafa, 34 vjeç, Marko Bardhi Demiraj, 17 vjeç, të cilët janë të dëmtuar në dorë dhe krah, Dior Demiraj, 11 vjeç dhe Kian Mullaj, 19 vjeç.

Mësohet se persona kanë qëlluar me armë zjarri në drejtim të një automjeti, të cilin e kanë ndjekur deri tek rrethrrotullimi i Shkozës.

Raportohet se objekt i sulmit ka qenë makina e kompanisë së sigurisë, Pelikani Security.

Për pasojë 4 persona kanë mbetur te plagosur dhe janë transportuar për në spital.

Dy prej të plagosurve nga atentati në Tiranë, ndodhen në gjendje të rënë tek Spitali i Traumës.

Ndërkaq, dy të plagosurit e tjerë, kanë plagë më të lehta.

Ndërkohë më pas autorët janë larguar dhe dyshohet se kanë ndjegur makinën në zonën e Lundrës.

Policia dhe grupi hetimor kanë mbërritur në vendin e ngjarjes, ndërsa janë ngritur pika kontrolli me qellim identifikimin dhe kapjen e autoreve.

Njoftimi i policise

Më datë 17.04.2025, rreth orës 21:50, në spitalin e Traumës, kanë shkuar dyshohet të plagosur me armë zjarri në Lundër, shtetasit A. S., 34 vjeç, K. M., 19 vjeç, dhe dy të mitur të moshës rreth 11 vjeç dhe 17 vjeç. Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve. Për këtë ngjarje do të kemi informacion më të zgjeruar pas sqarimit të plotë të rrethanave të rastit.