Të shtëna me armë zjarri te diga e Liqenit artificial në Tiranë, dyshohet për konflikt mes dy personave

Të shtëna me armë zjarri janë raportuar ditën e sotme te diga e Liqenit artificial në Tiranë.

Burime për A2 CNN bëjnë me dije se autorët e sulmit dyshohet se kanë qëlluar me armë teksa ishin në ecje.

Ndërkohë dikush ka telefonuar në Polici dhe ka ofruar të dhëna për këtë ngjarje, përcjell A2 CNN.

Policia ka mbërritur në vendngjarje pas telefonatës. Paraprakisht dyshohet për një konflikt mes dy personave.

Një person dyshohet se ka qëlluar me sende të forta xhamin e makinës së personit tjetër. Në vendngjarje nuk janë gjetur gëzhoja dhe ende nuk është konfirmuar nëse ka pasur të shtëna me armë.

Ndërkohë grupi hetimor vijon punën për zbardhjen e plotë të ngjarjes.