Të shtëna me armë zjarri janë regjistruar rreth orës 22:35 tek “Komuna e Parisit”, në Tiranë, përkatësisht te lulishtja.
Policia ka njoftuar se një person ka qëlluar me armë zjarri dhe ka mbetur i plagosur në këmbë Redi Balla. 22-vjeçari është qëlluar brenda makinës së tij të parkuar në lulishten e kësaj zone dhe aktualisht ndodhet nën kujdesin e mjekëve, jashtë rrezikut për jetën.
Dyshohet se atentatori është larguar në drejtim të paditur dhe është ende i paidentifikuar.
Shërbimet e Policisë kanë bërë rrethimin e zonës dhe po vijojnë kontrollin e saj për të bërë të mundur identifikimin dhe kapjen e autorit. Grupi hetimor ndodhet në vendngjarje dhe vijon punën për sqarimin e rrethanave të ngjarjes dhe dokumentin e plotë të saj.
