Një plagosje me armë zjarri është shënuar këtë të premte në Kamëz. I lënduari është një 25-vjeçar, i cili është qëlluar në këmbë. Sipas policisë, i riu është transportuar në spital dhe gjendja e tij është jashtë rrezikut për jetën.
Autori i plagosjes, që sipas policisë, ka ardhur pas një konflikti të çastit, nuk është arrestuar ende nga autoritetet.
“Rreth orës 13:55, në Kamëz, dyshohet se si pasojë e një konflikti të çastit, është plagosur në këmbë dyshohet me armë zjarri shtetasi M.Xh., rreth 25 vjeç, i cili ndodhet në spital, nën kujdesin e mjekëve. Shërbimet e Policisë kanë mbërritur në vendngjarje dhe po bëjnë krehjen e zonës me qëllimin identifikimin e kapjen e autorit. Grupi hetimor po punon për sqarimin e rrethanave të ngjarjes dhe dokumentimin e plotë të saj”, tha policia e Tiranës në një njoftim paraprak për ngjarjen.
Sipas burimeve policore, se dy personat janë konfliktuar për një vend parkimi, i cili përfundoi me të shtëna armësh.
Si pasojë e konfliktit për vendin e parkimit njëri prej tyre ka nxjerrë armën dhe ka plagosur në këmbë shtetsain Mikel Xhetani, 25-vjeç. Gjithashtu 25-vjeçari ndodhet në spital nën kujdesin e mjekëve.
Discussion about this post