Policia ka reaguar sërish për të shtënat me armë zjarri që tronditën mesnatën e djeshme Shkodrës. Policia sqaron se Forcat e Ndërhyrjes së Shpejtë po kontrollojnë zonën për të lokalizuar autorin dhe për t’a vënë atë në pranga.
Ngjarja ndodhi mbrëmjen e djeshme në lagjen “Skënderbeg”. Pas një konflikti të çastit situata mes disa të rinjve ka agravuar në përdorimin e armëve të zjarrit. Autori është identifikuar si Kristian Fermosi, i cili pas përleshjes me vëllezërit Ardian dhe David Kiri ka qëlluar me armë ndaj tyre.
Fatmirësisht nuk ka patur të plagosur ndërsa grupi hetimor nën drejtimin e Prokurorisë po vijon veprimet për sqarimin e rrethanave dhe dokumentimin ligjor të ngjarjes. Pritet të zbardhen detaje pas marrjes në pyetje të autorit të kësaj ngjarjeje.
Discussion about this post