Të shtënat në Durrës, policia jep detaje

Policia ka dhënë detaje në lidhje me të shtënat me armë zjarri në Durrës.

Efektivët e qytetit bregdetar shprehen se në katund Sukth, një 30-vjeçar R.T dyshohet se ka qëlluar me kallashnikov në mënyrë të pavullnetshme dhe më pas është larguar.

Vijon kontrolli i zonës dhe janë ngritur pika kontrolli, me qëllim kapjen e autorit.

“Sukth, Durrës/Informacion paraprak

Rreth orës 19:20, në Katund Sukth, shtetasi R. T. dyshohet se ka kryer qitje të pavullnetshme, në tokë, me armë zjarri kallashnikov, dhe më pas është larguar menjëherë.

Shërbimet e Policisë, me marrjen e njoftimit, janë vënë në ndjekje të shtetasit R. T, 30 vjeç. Vijon kontrolli i zonës dhe janë ngritur pika kontrolli, me qëllim kapjen e tij.

Grupi hetimor ndodhet në vendngjarje dhe po vijon punën për sqarimin e rrethanave të ngjarjes”, njofton policia.