Policia ka zbardhur detaje të reja në lidhje me ngjarjen e djeshme në lagjen “Skënderbeg”, ku një burrë i identifikuar si Mondi Çekani qëlloi me armë zjarri gjatë një konflikti me një person te tjetër.
Fillimisht u dyshua se Çekani, 50 vjeç kishte qëlluar në ajër dhe ishte larguar, por sipas policisë, rezulton se ai kishte qëlluar drejt personit me të cilin po konfliktohej, R.M., 24 vjeç, me qëllim për ta vrarë.
“Pas konfliktit ndërmjet shtetasve R. M. dhe M. Ç., që ndodhi rreth orës 16:00 të ditës së djeshme, në lagjen “Skënderbeg”, shërbimet e Komisariatit të Policisë Shkodër lokalizuan, kapën dhe arrestuan shtetasin e përfshirë në konflikt M. Ç., 50 vjeç, banues në Shkodër. Nga hetimet dyshohet se 50-vjeçari, për shkak të një konflikti të çastit, për motive të dobëta, ka tentuar të vrasë me armë zjarri pistoletë, shtetasin R. M., 24 vjeç, banues në Shkodër”,njofton policia këtë të diel.
Nga qitja nuk u dëmtua asnjë person.
Discussion about this post