“Të të qajë Jagoja…”, Berisha i uron shërim sa më të shpejtë Nanos

Ish-kryeministri Sali Berisha i ka uruar shërim sa më të shpejt Fatos Nanos, i cili prej 9 ditësh ndodhet në spital.

Berisha tha se uron që Nano të shërohet e të kthehet pranë familjes sa më shpejt.

Berisha ka komentuar dhe dekoratën e dhënë dje nga kryeministri Edi Rama për Fatos Nanon, duke theksuar se vetëm mirënjohje mbi tokë nuk ekziston për të dhe akuzuar se përdor fatkeqësitë për qëllime të veta.

“I uroj sa më shpejt dhe të plotë. Të kthehet sa më shpejt në pranë familjes së tij. Po kalon një situatë të vështirë, jo të lehtë.

Nuk dua të shkoj më tej se po të shkoj më tej do të dënoja me ashpërsinë më të madhe fasadën e jagos se në qoftë se kishte një Jago, Edi Rama ishte Jago i Fatos Nanos dhe të të qajë Jagoja Zoti është i madh, nuk kam ç’të them tjetër. Çfarë mirënjohjeje, vetëm mirënjohje mbi tokë nuk ekziston për të.

Nuk ka moment fatkeqësie që Edi Rama të mos e përdorë për qëllime të veta. Kur përdor dhe të tjera. Ai përbën një Jago dhe e ka të qartë çdo socialist shqiptar që e ka integritetin të mbetet socialist dhe të mos shndërrohet në rilindës. Rilindësit janë sekt”, deklaroi Berisha.

Jagoja ishte një personazh intrigant te Otello i Shekspirit. Ai përshkruhet si një njeri i lig dhe shpirtzi, një djall në formë njeriu, ziliqar dhe xheloz”, u shpreh Berisha.