Prej dy ditësh, qytetit i Fierit dhe e gjithë Shqipëria ndodhet në dhimbje për vrasjen në mënyrë makabre të vogëlushit 8-vjeçar Mato Vasiu nga monstra Klodian Çalamani. Gjatë ditës së sotme, në gjendje të renduar emocionale, familjarët kërkuar të varej në mes të qytetit vrasësi i vogëlushit të tyre, duke e krahasuar me një ngjarje tjetër të rëndë në periudhën e ish-kryeministrit Sali Berisha.
Por në vendin tonë, është hequr prej tre dekadash dënimi me vdekje. Ishte viti 1992 pikërisht në Fier kur u ekzekutua për herë të fundit një dënim kapital, varje në mes të qytetit.
Ndonëse regjimi komunist kishte rënë prej tetë muajsh, legjislacioni nuk kishte ndryshuar ende. Ishin vëllezërit Josif dhe Dritëbardh Çuko nga fshati Libofshë i Fierit që u shpallën fajtorë për vrasje të shumëfishtë në atë që u quajt “Masakra e Libofshës”.
Ngjarja ndodhi në 29 maj të vitit 1992 në fshatin Libofshë kur dy vëllezërit hynë në mesnatë në banesën e familjes Puto me qëllim grabitjen e familjes. Si pasojë ata vranë djalin e vogël të shtëpisë së bashku me nusen e tij, vranë babanë, vranë edhe nënën pasi e torturuan për një orë dhe në fund e mbyllën duke vrarë mbesën 8 muajshe të familjes. Ngjarja bëri bujë të madhe në Shqipërinë e asaj kohe, opinioni qytetar kërkoi dënim me vdekje për autorët.
Pas një gjyqi prej 24 ditësh të dy vëllezërit u shpallën fajtor dhe u dënuan me vdekje, ekzekutim me varje në mes të qytetit. Varja u bë me 25 qershor 1992 në mes të qytetit të Fierit dhe trupat u lanë të varur deri mbrëmjen tjetër për t’u parë nga turma njerëzisht që erdhën dhe nga qytetet e tjera.
Discussion about this post