Gjatë diskutimeve në Komisionin e Ligjeve lidhur me prishjet e banesave te lagjja “5 Maji”, nënkryetari i Partisë Demokratike, Enkelejd Alibeaj, propozoi që deputetët në Parlament mund të vendosin një memorandum që të mos ketë shembje deri në plotësimin e kërkesave ligjore të banorëve.
“Ne vërtetë nuk jemi gjykatë, por këtu secili nga ne ka një mjet, mund të ndërmarrim iniciativë ligjore ndërprerje e projektit derisa të zgjidhen kërkesat e tyre. Parlamenti pasi t’ju kemi dëgjuar juve, kush do ta vlerësoja nga secili deputet të marrim iniciativë ligjore për të vendosur një memorandum që të mos ketë asnjë prishje pa u plotësuar kërkesat ligjore të tyre” – tha Alibeaj.
Duke u ndalur te fjala e mbajtur nga drejtori i Policisë së Shtetit Gledis Nano, Alibeaj u shpreh kreu i Policisë të vijë përsëri në komision së bashku me Erion Veliajn.
“E ka nisur në rrugë jo të mbarë. Dy gjëra tha në fjalën e vet, një ia ka kërkuar Erion Veliaj, dy paska dëgjuar intervistat e njerëzve që është kërcënuar Erion Veliaj. Për këtë arsye ne të dëgjojmë banorët, dhe drejtori i policisë është i detyruar të rrijë. Përgjegjësia është e institucionit. Këtë ka detyrë. Të operojnë me dëgjesën për banorët, të dëgjojmë hallin e tyre, përgjegjësinë e tyre. Të rivijë në këtë komision së bashku me z.Veliaj dhe t’i dëgjojmë edhe një herë” – u shpreh Alibeaj.
Discussion about this post