Pak para nisjes së Kuvendit Kombëtar të PD, nënkryetarja Jorida Tabaku, deklaroi se sot kjo parti do të hedhë një hap të jashtëzakonshëm dhe të rëndësishëm në aleancën me qytetarët.
Nga Pallati i Kongreseve, Tabaku tha për News 24 se Kuvendi Kombëtar do të japë sot mesazhin se kush është në të vërtetë shumicë.
“Një dhe vetëm një vendim i rëndësishëm, PD sot bën një hap të jashtëzakonshëm në një aleancë të madhe me qytetarët, hapet duke e konsideruar aleancën me qytetarët si më të rëndësishmen. Për të gjithë ata që duan të kontribuojnë në politikë, por s’duan të jenë anëtarë, ne sot u japim të drejtën të përfshihen në PD, në kauzat e PD, por mbi të gjitha në luftën e përballjen me qeverinë. Ne sot hedhim këtë hap të madh për t’i ftuar të gjithë. Le të bëhemi bashkë, sot është dita për t’u bërë bashkë. Do të ekzistojë një strukturë, që do të quhet Aleanca me Qytetarët, ku do të ketë një pjesëmarrje me 10% në strukturat e partisë, për t’iu dhënë atyre mundësinë që kauzat t’i sjellin në parti, por edhe për t’iu dhënë mundësinë për vendimmarrjen brenda partisë”, tha Tabaku.
Paralelisht me Kuvendin Kombëtar të thirrur nga kreu i PD, ish-kryeministri Sali Berisha ka ftuar në referendum mbështetësit e tij për shkarkimin e kryetarit.
Discussion about this post