Pas largimit të Lulzim Bashës, në mbledhjen e parë të Kryesisë së Partisë Demokratike, u kërkua me forcë nga të gjithë bashkimi i demokratëve. Deputeti Helidon Bushati tha se kjo gjë nuk duhet të jetë vetëm retorikë, por duhen akte konkrete. Ai propozoi edhe hedhjen e hapit të parë që do të jetë kthimi i godinës në normalitet, duke e zhveshur atë nga fortifikimi.
“Bashkimi do te duhet te jete kryefjala jone, jo vetëm në retorike por edhe me akte konkrete. Partia Demokratike e ka jetike rikthimin ne një debat konstruktiv ne një bashkëpunim te të gjithë flukseve. Si sinjal te pare unë propozoj dhe do dëshiroja qe t’i kthehet normaliteti godinës, ta zhveshim nga fortifikimi edhe si sinjal të parë të rikthimit në normalitet. Vetëm e bashkuar do të mund të jemi të fortë dhe garues. Nuk kemi asnjë minutë kohë për të humbur, zgjedhjet janë shumë afër. Prandaj të gjithë ne do duhet të japim kontribut për bashkimin e kësaj force politike, do duhet të tregojmë pjekuri” – tha Bushati.
Discussion about this post