Ish-konkurrentja e “Për’puthen”, Tea Trifoni, tregon bullizmin që ka përjetuar gjatë kohës që ndodhej në emision, pasi aplikoi balonin gastrik.
Gjatë asaj kohe, ajo rrëfen se është bullizuar shumë për shkak të peshës dhe mesazhet që merrte nga ndjekësit e saj shkonin deri në kërcënime për jetën.
“Unë madje mendoj se jam një nga personat më të bullizuar në Shqipëri. Ka kaluar në ekstrem, ka kaluar në kërcënime me jetë, në mallkime, gjëra tmerrësisht të rënda. Shpesh herë nuk e vras mendjen dhe nuk e marr personale, por ka patur momente që presioni ishte shumë i madh”, tha Tea duke shtuar se pasoja më e madhe për të ishte izolimi social.
“Vinin 400 mesazhe për një orë, kam mbyllur rrjetet sociale, jam izoluar, ka patur raste kur s’kam dalë nga shtëpia”, tha ajo, duke sugjeruar që kushdo që përjeton të tilla përvoja, ta ndajë me njerëz të afërt, apo edhe me psikologun kur është e nevojshme.
Discussion about this post