Tea: Kërcënimet e Kiarës? T’ia lëmë policisë që…

Ish-banorja e “Big Brother VIP 2” bëri një deklaratë shumë të fortë kur ishte e ftuar në emisionin “Më lër të flas” në Top Channel.

Ajo rrëfeu se ishte kërcënuar nga burri i tezes së Kiara Titos bashkë me këtë të fundit pas një përfundimi të spektakli në ambientet e jashtme të Top Channel.

Tea më pas tha se vendosi të fliste me produksionin lidhur me këtë ngjarje.

“Ka pasur dhe personazhe të tjerë që ka kërcënuar Kiara dhe burri i tezes së saj. Jo vetëm mua. Nuk doja ta thoja unë se flasin vetë personat por ja kanë kërcënuar dhe Zhaklinën”, tha gjatë intervistës Tea.

Ndërsa së fundmi, Trifoni ka dhënë një intervistë të shkurtër për emisionin “E Diell”, ku e pyetur për këtë ngjarje ajo u shpreh:

“Ta lëmë këtë për policinë, jo për TV. Vepër penale është”.

Ndërsa e pyetur nëse ka marrë mesazhe në lidhje me këtë deklaratë, Trifoni tha:

“Kam marrë plot mesazhe, nuk i kam lexuar”.

Nga ana tjetër, ajo u pyet edhe se si do shfaqej në dasmën e Luizit dhe Kiarës, ku ish-banorja tha:

“Nuk kam marrë ftesë. Të trashëgohen”.