Presidenti i La Ligas, Javier Tebas ka dhënë një intervistë për gazetën SPORT, ku u pyet rreth shumë çeshtjeve.
Analizë ai bëri te La Liga, Real Madrid, Barcelona, Florentino Pérez, Joan Laporta, Josep Maria Bartomeu dhe Leo Messi.
Në lamtumirën e yllit argjentinas, Javier Tebas u lëndua dhe u pikëllua dhe këtë e konfirmon edhe në intervistën e tij.
“Ronaldo, Guardiola, Mourinho janë larguar. Ne kemi pasur fatin e madh që të kemi dy lojtarët më të mirë në botë në dy skuadrat më të mira në planet dhe në La Liga ne kemi qenë në gjendje të përfitojmë nga kjo për të vendosur veten në vijën e parë të botës”.
“Ndoshta largimi i Messit ishte më i dhimbshmi, sepse personalisht e konsideroj atë më të mirin në histori. Ai nuk e meritonte të largohej ashtu, jo vetëm nga Barça, as nga La Liga”.
I pyetur nga Tebas nëse lamtumira e Leo Messit mund të ishte shmangur , ai u shpreh hapur: “Po”.
Ende asgjë nuk është e qartë, por Gazeta SPORT shkruan se intervista do të publikohet në ditët në vijim ku do të kuptohet edhe arsyeja se pse Messi u largua nga La Liga.
