Një tjetër qendër masazhi që funksiononte si strehë prostitucioni është zbuluar nga policia në zonën e 5 majit në Tiranë. Në pranga ka përfunduar administratori i këtij subjekti, Ardit Buci i cili drejtonte qendrën që njihej me emrin “Masazhe Tulip” ndërkohë në gjendje të lirë është proceduar një 37-vjeçare e cila akuzohet për prostitucion.
Qendra e masazhit kishte pak kohë që ishte hapur e ndërsa aktivitetin e saj e ushtronte në rrjetet sociale ku reklamonte shërbimet e saj dhe kontaktonte me klientët.
Kohët e fundit qendrat e masazheve kanë qënë nën radarin e policisë sepse ky nuk është rasti i vetëm ku kanë ndodhur arrestime. Rasti i fundit ishtë operacioni policor i koduar ‘Camouflage 22’ i cili vuri në pranga administratoren e qendrës, punonjësen dhe një klient të rastit. Qendra e masazheve ushtronte aktivitetin e kundërligjshëm të prostitucionit në rrugën “Luigj Gurakuqi”.
Discussion about this post