Kryeministri Edi Rama ka njoftuar përmes një postimi në Facebook, se tekstet shkollore nga klasa e 1 deri në të 9-ën do të jenë falas. Edhe nxënësit e kategorive në nevojë që trajtohen me përkrahje sociale, kanë humbur një prind apo problematika të tjera sociale dhe janë në klasat e 10-ta dhe të 12-ta përfitojnë tekste shkollore falas.
“Mirëmëngjes dhe me shpërndarjen e teksteve shkollore falas, që vijon për të gjithë nxënësit nga klasa 1-9 dhe nxënësit e kategorive në nevojë edhe në klasat 10-12, çka bën që qeveria shqiptare të mbështesë këtë vit shkollor me libra falas 280 mijë nxënës përfitues, të cilët do të mësojnë me botimet prestigjioze të “Oxford”, “Pearson” dhe “Cambridge”, ju uroj një ditë të mbarë”, shkruan Rama në Facebook.
Sipas tij, përfitojnë 280 mijë nxënës në të gjithë Shqipërinë, që do të mësojnë nga tekstet shkollore të përkthyera dhe përshtatura të “Oxford”, “Pearson” dhe “Cambridge”.
Dyert e shkollave janë hapur dhe nxënësit po zhvillojnë përsëritje të temave mësimore të vitit të kaluar, për shkak se procesi mësimor u zhvillua online. Viti i ri akademik nis në datën 27 shtator.
D.L/ Gijotina.com
