Real Madrid CF njoftoi këtë të mërkurë se lojtarët Courtois, Valverde, Camavinga dhe Vinicius Jr. kanë rezultuar pozitivë me COVID-19.
Lajmi i mirë është se futbollistët nuk janë bërë bashkë pas pushimeve dhe se përhapja e epidemisë nëpër dhomat e zhveshjes tashmë nuk është e mundur. Të gjitha infektimet kanë ndodhur gjatë festave të tyre të Krishtlindjeve, ndërsa Vini Jr. dhe Courtois janë asimptomatikë.
Nesër në mëngjes, të gjithë lojtarët do t’i nënshtrohen një testi të ri PCR për të shmangur një përhapje të virusit dhe për të kontrolluar.
Tre nga të infektuarit ishin në një udhëtim në ditët e tyre të pushimit. Courtois ishte në Dubai, Vini në Miami dhe Valverde në Argjentinë. Fede ishte me familjen dhe është infektuar për herë të dytë, pasi futbollisti doli pozitiv në fund të prillit.
“Fatkeqësisht, dhe pavarësisht respektimit të të gjitha masave, kam rezultuar pozitiv me Covid në kontrollin e fundit. Edhe pse nuk kam asnjë simptomë, jam në shtëpi duke ndjekur protokollin përkatës dhe duke u trajnuar për t’u rikthyer sa më shpejt”, tha Courtois në rrjetet e tij sociale.
Discussion about this post