Real Madridi ka lëshuar një deklaratë zyrtare për të raportuar dëmtimin e njërit prej lojtarëve. Futbollisti në fjalë, e kishte nisur me entuziazëm të madh fazën përgatitore, duke dashur të fitonte një vend në njëmbëdhjetëshen titullare, por sërish një dëmtim ia ndërpreu fatkeqësisht vrullin.
Fjala është për Dani Ceballos, i cili, përfundoi me një shqetësim seancën stërvitore dhe sot iu nënshtrua testeve për të analizuar shkallën e dëmtimit. Zona e prekur është tendina distale e muskulit femoral të bicepsit të djathtë dhe koha e saktë që ai mund të jetë jashtë nuk dihet ende, por vlerësohet se ai do të jetë jashtë për 4 deri në 6 javë.
Carlo Ancelotti i premtoi futbollistit se në këtë sezon ai do të jetë më në qendër të projektit futbollistik, se ai i mëparshmi dhe kjo ishte një nga arsyet pse ai vendosi të zgjasë kontratën e tij deri më 30 qershor 2027. Lëndimi do ta lërë jashtë aktiviteteve parasezonale, por kjo nuk do ta ndalë Ceballos, i cili është i gatshëm të konkurrojë për pozitën e mesfushorit me këdo.
Objektivi i mjekëve dhe lojtarit është që të arrijë në 100% për fillimin e La Ligas, në duelin hapës, ndaj Bilbaos. Fakti që ka disa mesfushorë në dispozicion në skuadër e pengon Carlo Ancelottin të rrezikojë apo të sjellë përpara rikuperimit të plotë, një futbollist të dëmtuar.
Është një pengesë e vështirë për lojtarin, të cilit tashmë i është dashur të përjetojë këtë situatë në disa sezone. Kjo ndalesë nënkupton fillimin e sezonit në prapavijë, por ky do të jetë një sezon shumë i gjatë dhe trajneri italian do të bëjë rotacion me ekipin për të përfituar nga potenciali i të gjithë lojtarëve të tij. Kjo është ajo që klubi ka kërkuar prej tij, me Carletton që ka vuajtur nga mungesa e alternativave cilësore, sezonin e kaluar.
Këto lëndime janë të zakonshme në parasezon. Përveç kësaj, Pintus kërkon gjithmonë shumë në fillim dhe ka futbollistë që lodhen më shumë dhe kanë fatin e keq të lëndohen. Megjithatë, përgatitësi fizik dhe atletik i Real Madridit gjithmonë arrin të marrë formën më të mirë fizike nga të gjithë futbollistët e tij, kështu që në klub ka qetësi.
Discussion about this post