Jose Mourinho do me këmbëngulje Sergio Ramos te Roma dhe raportohet të ketë kontaktuar mbrojtësin për t’i bërë ofertën e tij. Ata kanë punuar së bashku në Madrid dhe kanë pasur marrëdhënie mjaft të mirë.
Ato që mund ta tundojë Ramos të vijë në Romë janë lirimet nga taksat. Arma kryesore e Romës është ‘Dekreti i Crescita’, falë të cilit ka një zbritje prej 50% të taksave për pagat e futbollistëve, që vijnë nga jashtë.
Përveç kësaj, qendërmbrojtësi mund të përdorë gjithashtu rregullin e prezantuar në vitin 2017, falë të cilit ai do të duhet të paguante vetëm 100 mijë euro për të gjitha fitimet e tij jashtë Italisë (e njëjta që përdor Ronaldo).
Dy atraksione tatimore për Sergio Ramos, që do të kompensonin faktin se lojtari do të fitonte shumë më pak në Real Madrid nga paga e tij. La Gazzetta tregon se Roma është e gatshme t’i japë 7.5 milion euro Sergio Ramos, i cili në Real Madrid fitonte 12 milionë.
Roma e Mourinho po punon për të nënshkruar me ish-kapitenin e Los Blancos, i cili është në negociata me disa klube, por tani për tani, nuk ka nënshkruar për askënd.
