Njoftoi rritje të tarifave, One Albania vihet nën hetim nga Autoriteti i Konkurrencës

Kryetari i Autoritetit të Konkurrencës, Denar Biba, i ftuar në emisionin “Kjo Javë” në News24, ka folur për situatën e tregut të telefonisë celulare në Shqipëri, ndërsa kujtojmë që prej javësh abonentët e One Albania kanë shprehur pakënaqësi për rritjen e tarifave.

Shumë qytetarë janë shprehur se rritja e vazhdueshme e çmimeve nuk justifikohet me cilësinë e shërbimit, e cila sipas tyre mbetet e pandryshuar.

“Në botë ka mijëra tregje dhe shumica kanë konkurrencë. Një treg pa konkurrencë është vetëm ai monopolistik, por në Shqipëri nuk kemi tregje të tilla. Megjithatë, ka tregje duopol, si ai i telefonisë celulare, që për shkak të strukturës së tyre krijojnë problematika,” u shpreh ai.