Fjala e fundit për telenovelën Marcelo Brozovic ende nuk mund të thuhet. Kroati ka gjetur një marrëveshje me Al-Nassr, e cila do t’i garantojë atij një pagë monstruoze prej 100 milionë eurosh për tre vjet (deri në vitin 2026) dhe një bonus nënshkrimi.
Megjithatë, klubi arab, i cili kishte rënë dakord me Interin për 23 milionë, e ka ulur ofertën në orët e fundit, duke e zbritur çmimin në 15 milionë (duke përfshirë bonuset). Kuptohet që situata nuk u mirëprit nga zikaltërit, ku veçanërisht Beppe Marotta ishte i acaruar dukshëm nga situata.
Pyetja, për sa i përket Interit, është shumë e qartë: lojtari largohet vetëm për shumën e rënë dakord fillimisht, përndryshe asgjë nuk bëhet. Biznes i rrezikshëm atëherë? Në thelb jo, është shumë e vështirë që një negociatë kaq e konsoliduar të ngecë në fund, por ajo që u dha si e mirëqenë, duket se nuk është realizuar deri tani.
Fakti është se Brozovic , i pritur për ekzaminime mjekësore (Inter tani nuk i ka lejuar), për momentin po shijon disa ditë relaksi buzë detit dhe ende nuk është parë në Arabinë Saudite. Madje kjo situatë është cilësuar mjaft paradoksale për Interin, ku ndër të tjera kroati i ka kërkuar, sipas mediave, edhe një bonus largimit.
Me pak fjalë, marrëveshja është kthyer në diskutim. Një problem jo i vogël për zikaltërit, të cilët kishin nevojë për shitjen e Brozovic për të vazhduar negociatat për Frattesin.
BROZOVIC, DORËZIMI I BARCELONAS: “KUSHTON SHUMË”
Joan Laporta, presidenti i Barcelonës, konfirmoi mosardhjen e Brozovic: “Ai, si Zubimendi apo Kimmich kushtojnë shumë për ne, këto marrëveshje nuk do të bëhen për shkak të parametrave financiarë që do të rrezikonim t’i shkelnim. Brozovic ka një ofertë nga Arabia Saudite kundër së cilës nuk mund të konkurrojmë”.
Discussion about this post