Situata aktuale rreth futbollistit francez të PSG, Kylian Mbappe monitorohet nga afër me gazetarët e shumtë që duan të zbulojnë sa më shpoejt lëvizjen e radhës të sulmuesit, një nga këta është dhe Ramon Alvarez de Mon. De Mon tregoi se si ka qenë marrëdhënia mes Real Madridit dhe Kylian Mbappe që kur ky i fundit rinovoi vitin e kaluar me Paris Saint-Germain.
“Mbappe ndihet shumë mirënjohës për Florentinon dhe enturazhi i tij tashmë po planifikon jetën e tij në Madrid”, shpjegoi ai në videon e fundit të ngarkuar në kanalin e tij në YouTube. Me sa duket, siç shpjegon De Mon, futbollisti e ka pranuar se ka gabuar menjëherë pas rinovimit, ndaj dhe data e nënshkrimit të letrës në të cilën ai hoqi dorë nga rinovimi deri në vitin 2025, mbante datën korrik 2022.
Futbollisti nga ana e tij nuk mund të thuhet se ka treguar shumë dashuri për PSG-në muajt e fundit.
Sipas De Mon, Florentino Perez dhe Real Madrid kanë qenë në kontakt prej muajsh, duke treguar se dëshira e futbollistit ishte të ndryshonte ambient dhe ta bënte këtë, duke shkuar drejt Realit.
PSG, nuk është duke e përjetuar mirë situatën rreth ylli të saj, duke kërcënuar se do ta lërë në tribunë për një vit nëse nuk rinovon kontratën me klubin francez.
De Mon shton se lojtari dhe familja i tij tashmë janë në kërkim të një shtëpie në kryeqytetin spanjoll, dhe i kanë ofruar dy zonat e famshme (La Moraleja dhe La Finca), diçka që nxjerr në pah faktin se mund të jemi disa ditë larg nga konfirmimi i nënshkrimit të sulmuesit Kylian Mbappe me Real Madridin.
Discussion about this post