Kylian Mbappe dhe Paris Saint-Germain janë në një ngërç. Al Ahli, me miliardat e tij, nuk është një perspektivë për superyllin francez. Pra ngërçi mbetet. Me lojtarin që ka një kontratë një vjeçare dhe skuadra nuk e llogarit pasi nuk po rinovon. Në të njëjtën kohë, Parisi nuk dëshiron ta humbasë atë si lojtar i lirë.
Pikërisht këtu duket se po shfaqet Liverpool. Siç pretendon Mirror në Angli, nisur nga respekti dhe vlerësimi i lojtarit, “Reds” në fakt kanë hyrë në një proces diskutimi me Paris Saint-Germain. Madje duke ofruar një marrëveshje që do t’i përshtatet të gjithëve.
Liverpool do ta kërkojë Mbappe në formë huazimi. Mbappe ka kontratë edhe për një vit me francezët, kështu që Liverpool do ta ketë në dispozicion për këtë sezon dhe Parisi do të marrë disa para në mënyrë që të mos e humbasë “gratis”, por gjithashtu superylli francez do të mund të shkojë në Real Madrid si lojtar i lirë në verën e vitit 2024.
Nëse kjo perspektivë e zbuluar nga Mirror është e vërtetë, duket e vështirë për ndonjë nga palët e përfshira ta mohojë atë. Kështu që ne mund të jemi afër fundit të serisë së Kylian Mbappe.
Discussion about this post