Vijon telenovela e transferimit ose jo të Kylian Mbappénga PSG te Real Madrid.
Lojtari ende nuk ka marrë një vendim përfundimtar, ndërsa në media vijojnë spekulimet për shifrat e kontratës së ardhshme.
Media spanjolle “El Desmarque” ka publikuar informacionin e saj për dosjen, duke zbuluar lakminë e klanit Mbappe në kuadër të diskutimeve me Real Madrid.
Raportohet se persona të afërt me futbollistin kanë kërkuar në emër të tij, jo më pak se 100 milionë euro bruto, ose 50 milionë neto në vit si pagë nga Real Madrid. Kjo shifër është më e madhe se dyfishi i pagës më të lartë të klubit që merr Toni Kroos.
Veç kësaj, është kërkuar edhe një bonus kolosal nënshkrimi prej 175 milionë eurosh. Nëse këto kërkesa kolosale janë të vërteta, ekuilibrat në ekip do të lëkundeshin dhe Real Madrid zor se do t’i pranojë.
Nga ana tjetër, raportohet edhe se PSG i ka ofruar një rinovim dyvjeçar futbollistit me 72 milionë Euro në sezon.
Discussion about this post