“Telenovela” mes Mauro Icardit dhe Wanda Narës nuk ka fund. Dyshja e njohur nuk ndalen, pasi tashmë ata kanë qenë të lidhur edhe në anën profesionale të tyre, me Wandën që ka punuar si agjendja e sulmuesit argjentinas.
Ajo arriti gjithçka tek Interi, me kalimin e tij te PSG, por edhe huazimin e kësaj vere në Turqi.
Por ndarja e papritur e tyre ka sjellë pasoja profesionale. Siç detajohet nga media turke ‘Hurriyet.com.tr’, mes tyre kanë mbërritur edhe problemet e punës. Wanda do të përfitonte një shumë prej 1 milionë eurosh për transferimin e Icardit te Galatasaray. Sipas mediave turke, futbollisti argjentinas ka deklaruar se Wanda Nara nuk është më menaxherja e tij.
Madje, ai ka refuzuar tashmë dhe kërkesën e premios 1 milionëshe për ish-gruan me arsyetimin se është e paligjshme. Në fakt, polemika është më e nxehtë se kurrë. Sepse Icardi nuk do që Galatasaray ta paguajë Wanda Narën, shpjegon mediumi turk, pavarësisht se biznesmenja do t’i kishte kërkuar klubit që paratë “të derdheshin në llogarinë e saj sa më shpejt.
Wanda udhëtoi nga Argjentina në Turqi, por po qëndron diku tjetër, jo në shtëpi me sulmuesin e Galatasaray. Wanda para disa ditësh po regjistronte një videoklip, përmes të cilit është lidhur romantikisht me një këngëtar argjentinas, por më vonë udhëtoi për në Stamboll ku ishin të gjithë fëmijët e saj.
Discussion about this post