Nënkryetari i Këshilli Bashkiak të Tiranës, Dorian Teliti ka akuzuar këshilltarët e PS-së të cilët kanë shkelur ligjin me forcën e kartonit në mbledhjen e parë të konstituimit.
Në postimin e tij në Facebook, Teliti thekson se kryebashkiaku Erion Veliaj ka shkelur ligjin duke mos u betuar siç e kërkon rregullorja para këshilltarëve në sallën zyrtare të Këshillit Bashkiak.
Gjithashtu Teliti ka denoncuar PS-në se ka marrë përfaqësimin e plotë të Këshillit të Qarkut Tiranë me forcën e kartonit, ndonëse 8 përfaqësime i takonin forcave opozitare.
Postimi:
Forca e kartonit të PS në Këshillin Bashkiak të Tiranes bën çudira dhe sfidon hapur ligjin duke e shkelur atë që në mbledhjen e parë konstituese të Këshillit!
?Kryetari i Bashkisë nuk betohet siç e kerkon ligji dhe rregullorja përpara këshilltarëve në sallën zyrtare të Këshillit Bashkiak.
?PS merr përfaqesimin e plotë të Keshillit të Qarkut Tiranë, nga 20 përfaqësime për gjithë forcat politike, PS i gllabëroi të gjitha pa të drejtë e thjesht me ngritje kartoni, ndonëse 8 përfaqesime i takonin forcave opozitare. Populli opozitar i Bashkisë Tiranë, mbi 40 % e qytetareve, nuk kanë asnjë përfaqesim sot në organin përfaqësues të qarkut.
?Si Nënkryetar i Këshillit Bashkiak të Tiranes ju premtoj se do jem zëri juaj, zëri i çdo qytetari për hallet dhe problemet e tij.
Me të vërtetë nuk kemi forcën e kartonit, por forcën e zërit dhe denoncimit askush nuk na e heq dot!
Discussion about this post