Nënkryetari i Këshillit Bashkiak të Tiranës, Dorain Teliti, dhe anëtari i këshillit Jonathan Pano, kanë dalë në një deklaratë para bashkisë së Tiranë ku kanë bërë publike kërkesat e këshilltarëve të opozitës për transparecë të shpenzimeve të bashkisë.
Teliti tha se kanë shkuar për të kërkuar informacion për 3 shkresa të drejtuara ndaj bashkisë së Tiranës, një detyrë Kushtetuese, por Erion Veliaj nuk përgjigjet.
“Pse nuk përgjigjet Erion Veliaj për tre shkresat tona? Cilat ishin ato konkretisht?
Ishin dy marrëveshje që Veliaj lidhi me kompaninë gjermane dhe angleze për të përmirësuar sistemet e transparencës, tha vete Erion Veliaj këtu në Bashkinë e Tiranës. Ndërkohë që ai vetë refuzon të bëjë transparente mbi këto marrëveshje. Si është e mundur që ai vazhdon të tallet edhe në vitin 2024 me këtë nivel me qytetarët dhe me të zgjedhurit në bashkinë e Tiranës. Kush është ky që tallet? Ai ka detyrim të japë përgjigje. Sa kanë kushtuar këto marrëveshje? Sa është afati i këtyre marrëveshjeve? Çfarë pasojash do të kenë këto marreveshje për taskapaguesit?
Një tjetër kërkesë ishte raportet e auditimit të viteve të fundit, të cilat sipas ligjeve duhet të ishin të publikuara në faqen e bashkisë së Tiranës, por nuk gjenden. Zero transparencë.
Tjetër kërkesë e jona ishin dy çerdhet. Erion Veliaj i mori me qira 9-mijë euro në muaj me qira secilën. I kërkuam kontratat, si është e mundur që në periferi merren me 13-15 eruo metri me qira? Ndërkohë që nuk i gjen as në qendër të Tiranës, jo më në përiferi. Është vjedhje e hapur. Është e qartë se pas këtyre kontratave qëndrojnë vetëm vjedhjet. Opozita do ta bëjë transparencën me çdo mënyrë. Ne jemi në krye të detyrës dhe bërjen e transparencës do ta arrijmë”, tha Teliti.
Discussion about this post