Dorian Teliti, nënkryetar i Këshillit Bashkiak të Tiranës, e sheh të afërt ditën e arrestimit të kreut të Bashkisë, Erion Veliaj, kjo për shkak të vjedhjeve të shumta që ka bërë nën drejtimin e një prej institucioneve më të mëdha të pushtetit vendor.
Në një intervistë, Teliti tha se Veliaj do të japë llogari për paratë e vjedhura nga taksapaguesit e Tiranës, ndërsa shtoi se SPAK së paku duhet të kishte pezulluar ose larguar nga detyra.
Sipas tij, Veliaj e ka shkelur ligjin për të disatën herë, pavarësisht se SPAK, nuk e ‘sheh’ një gjë të tillë.
“Është telenovele me seri, që fundi dihet. Veliaj një ditë do përballet me drejtësinë. Mullari i madh i klinetelizimit, paratë e zhdukura do japin llogari, deri në rikthimin e atyre parave në buxhetin e Bashkisë së Tiranës. Ai u bë një nga drejtuesit e punëve të këqija të Tiranës, marrëveshje me ndërtuesit për pronën publike, qindra milionë euro të incineratorëve që s’ekzistojnë.
Kemi një deklaratë të SPAK të dhjetorit, kemi arritur në konkulzion se kemi prova konkrete për 4 akuza, do mjaftonte kaq që SPAK të merrte masë arresti në burg ose shtëpi, do ishte rast i pezullimit të mos bënte më korrupsion.
SPAK po fluturon rreth Harabelit, dhe vetëm zogun s’po sheh. Së paku duhet të pezullohet. Kemi shkelje e abuzime me detyrën hap pas hapi. Veliaj në krye të Tiranës, e shkel ligjin për të disatën herë,e ka pranuar edhe vetë, edhe pse SPAK nuk i dëgjon këto gjëra. Arrestimi dhe dënimi i tij është i afërt, të paktën ta kishin pezulluar ose larguar nga detyra.
Discussion about this post