Partia Demokratike ka kallëzuar në SPAK, ministren e re të Shëndetësisë Klodiana Spahiu, për plagjiaturë me temën e diplomës.
Përmes avokates Adriana Kalaja, PD kallëzon ministren duke e akuzuar për plagjiaturë të plotë, pa hequr madje as presjet dhe qëllimin, siç u shpreh avokatja para dyerve të SPAK për gazetarët.
Kalaja shton se PD do bëjë kallëzime edhe për ministra dhe deputetë të tjerë si Taulant Balla dhe Ulsi Manja.
Ndërkohë që thekson se ende nuk ka një përgjigjje nëse Belinda Balluku e ka apo jo diplomën e shkollës së lartë.
Kalaja: Kemi evidentuar që titulli i tyre shkencor është i gjithi mbi një plagjiaturë kanë kurajon të vjedhin dhe dijen. Vepër penale e dënueshme por nga ana tjetër duhet të kthejnë mbrapsht të ardhurat e si pasojë e titullit shkencor.
Fokusi do ketë te ministrat dhe gjithë deputetët dhe zyrtarët. Duhet të tregojmë që dija është një gjë arrihet me forcë punë dhe jo duke vjedhur duke kopjuar siç është rasti i ministres Klodiana Spahiu.
Jo vetëm që ka marrë në plagjjiaturë të plotë temën e diplomës. Edhe presjet, edhe qëllimin shkakun është i njëjtë nga vendi ku është bërë kopjimi.
Jemi besimplotë se SPAK, do nisë me Spahiun dhe personat e tjerë. Ne s’kemi marrë ende përgjigje se Balluku e ka diplomën e shkollës së lartë të falsifikuar. Ka pasur kallëzim, pastaj do merremi me Taulant Ballën e Ulsi Manjën, bashkë me grabitjen që i kanë bërë vendint, të na grabisin edhe dijen. Ne vijmë me subjektin që është kompetencë e SPAK.
Discussion about this post