Vapa ka arritur një rekord në Kinë.
Pekini ka njoftuar se gjatë fundjavës merkuri arriti në 52.2 gradë Celsius në veriperëndim të vendit, gjë që nuk kishte ndodhur kurrë në mes të muajit të korrikut.
Sipas Administratës Kombëtare Meteorologjike, ishte veçanërisht një stacion meteorologjik në fshatin Sanbao, në rajonin Xinjiang, i cili regjistroi temperaturën maksimale në orën 19:00 të 16 korrikut.
Sanbao ndodhet në pellgun Turpan, një depresion i shkretëtirës nën nivelin e detit, ku janë regjistruar disa nga ndryshimet më ekstreme të temperaturës në Kinë, nga temperaturat shumë nën zero në dimër deri tek vera përvëluese.
Evropa jugore është nën ombrellën e vapës. Krahas Italisë, Spanjës dhe Greqisë, edhe Rumania po përballet me një vapë të paprecedentë, me temperatura maksimale deri në 39 gradë.
Spanja është në fillimin e një vale të re të të nxehtit, pas një jave të hidhur, pasojat e së cilës u ndjenë në ishullin La Palma në ishujt Kanarie, ku një zjarr shkatërroi 5000 hektarë tokë këtë fundjavë dhe detyroi 4000 njerëz të evakuohen.
Në Shtetet e Bashkuara, nga Florida në Kaliforni përmes Teksasit, pjesa më e madhe e vendit është ende nën kontrollin e një vale të nxehti, e cilësuar si “dërrmuese” nga shërbimet meteorologjike, të cilat parashikojnë rekorde të reja të temperaturës. Në Death Valley, Kaliforni, termometri u rrit në 51C, ndërsa pritet 54C. Krahas temperaturave të larta, Kalifornia Jugore po digjet nga disa zjarre ende të ndezura, të cilat tashmë kanë shkatërruar më shumë se 1214 hektarë dhe kanë çuar në evakuimin e popullsisë.
Discussion about this post