Autoriteti Rrugor Shqiptar ka bërë me dije detaje lidhur me motin në vendin tonë. Sipas njoftimit të bërë nga ARRSH-ja, gjatë natës në Shqipëri temperatura më e ulët ka shkuar deri në -21°C, e shoqëruar edhe me erë të fortë.
Megjithatë nuk ka pasur probleme me qarkullimin e mjeteve pasi është shpërndarë kripë. Megjithatë drejtuesit e mjeteve janë këshilluar që të qarkullojnë me goma dimri dhe me zinxhirë për të shmangur incidentet e mundshme.
“Temperaturat e ulëta kanë vazhduar gjatë natës dhe në orët e para të mëngjesit duke arritur deri në -21°C në zonat malore shoqëruar edhe me erë të fortë por pa sjellë probleme me qarkullimin. Është punuar pa ndërprerje me shpërndarjen e kripës për të evituar ngricat. Qarkullimi kryhet normalisht në të gjitha akset. Tregoni kujdes të shtuar gjatë drejtimit të mjetit, pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore,”-bëhet me dije nga ARRSH.
Discussion about this post