Temperatura të larta deri 34 gradë, si parashikohet moti nesër

Moti për ditën e nesërme pritet të jetë nën ndikimin e kushteve të qëndrueshme atmosferike.

Sipas parashikimit nga SHMU, pritet që gjatë paradites të mbizotërojnë orët me diell në pjesën më të madhe të vendit ndërsa vranësirat do të jenë të pakta e kalimtare kryesisht përgjatë relieveve kodrinore- malore.

Era do të fryjë me drejtim nga kuadrati i perëndimit me shpejtësi mesatare deri në 9m/s. Valëzimi në dete do të jetë i forcës 1 ballë.

Temperaturat parashikohen:

në zonat malore 14 deri 29°C

në zonat e ulëta 18 deri 34°C