Stina e dimrit ka hyrë në këtë vit të ri me ‘këmbë të mbarë’. Ndryshe nga vitet e kaluara, moti dhe kushtet atmosferike gjatë stinës së dimrit këtë vit na kanë surprizuar të gjithëve. Në vend të të ftohtit të acartë dhe temperaturave të ulta, ditët e e para të 2023 kanë nisur me rreze të ngrohta të diellit dhe temperatura të larta në pothuajse shumicën e rajoneve të vendit.
Kushtet atmosferike kanë qenë të qëndrueshme dhe nuk ka patur reshje shiu. E tillë parashikohet të jetë moti edhe në ditët në vijim, ku temperaturat do të arrijnë maksimalen e vlerave 16-17 gradë.
Meteorlogja Lajda Porja bëri një përmbledhje të kushteve atmosferike për ditën e sotme, e cila ka nisur me kthjellime në pjesën më të madhe të territorit shqiptar deri vonë pasdite ku do të ketë vranësira të lehta dhe kalimtare më të fokusuara në zonat malore, nuk presim reshje.
Pak më ftohtë është zona e juglindjes ku kemi vlera në 1 gradë dhe maksimalja pritet të ngjitet me 16 gradë kryesisht në Sarandë. Në zonat bregdetare edhe nesër do të mbetemi në masa ajrore të qëndrueshme duke bërë që moti të jetë i kthjellët sidomos paraditja në ultërsirën perëndimore, kthjellime dhe vranësira të lehta dhe kalimtare priten në pjesën e dytë të ditës.
Nesër do të ketë një rënie të lehtë, por ruhen vlerat maksimale. Nuk priten ndryshime ku sërish do të jemi në vlerën 15 apo 16 gradë. Po asipas meteorologes, në fakt e gjithë kjo javë nuk pritet të ketë reshje apo ulje të vlerave termike duke vijësuar kështu të njejtat temperatura që patëm edhe në dhjetor. Në Kosovë dhe Maqedoninë e Veriut moti do të jetë nën ndikimin e masave ajrore të qëndrueshme duke bërë që kthjellimet të jenë prezente.
Discussion about this post