Në gjykatën e Elbasanit këtë të hënë do të dalin për tu njohur me masën e sigurisë 10 të arrestuarit në kuadër të megaoperacionit “Tempulli” të zhvilluar në të gjithë vendin.
Sipas informacioneve mësohet se të arrestuarit kanë mbërritur në gjykatë dhe pritet që të nisë seanca për vlerësimin e masës së tyre të sigurisë.
Para trupit gjykues kanë dalë; Gildi Ballolli, Mikel Poçi, Stiven Faqolli, Saimir Rexhepi i njohur si “Ujku i Cërrikut”, Françesko Braho, Endrit Kovaçi, Ervis Duzha dhe punonjësi i policisë Sajmir Hysa, mbi të cilin rëndon akuza për shpërdorim detyre dhe për krahje në krim.
Prokuroria e Elbasanit ka kërkuar masat e arrestit në burg, por në fund do të jetë gjykata e cila do të vendos përmes dy gjyqtareve Idush Maliqi dhe Matilda Fetahu.
Ndërkohë kujtojmë se në megaoperacionin antidrogë të zhvilluar në të gjithë vendin është bërë i mundur ndalimi i 10 personave dhe janë shpallur në kërkim 4 të tjerë. Ndërkaq në kontrollin e ushtruar në banesat e tyre janë sekuestruar lëndë narkotike dhe peshore që përdoreshin nga trafikantët.
Discussion about this post