“Tempulli”/ Gjykata e Vlorës lë në burg 10 nga të arrestuarit (EMRAT)

Gjykata e Vlorës ka vendosur masat e sigurisë “Arrest në burg” për të arrestuarit në Vlorë, në lidhje me mega-operacionin “Tempulli”.

“Arrest në burg” u dha për shtetasit Eduart Ahmeti, Idlir Omeri, Bebeto Basha, Julian Shabani, Klajdi Muça, Ari Myrtaj, Lisandro Murati, Gerand Nebiu, Jurgen Breshani, Arient Dapaj.

Avokati i 10 prej të arrestuarve, Edmond Dëma, tha se Gjykata e Vlorës vendosi masën e sigurisë ‘Arrest me burg’ për të 10 klientët e tij, pasi akuzohen për “Prodhim dhe tregtim të lëndëve narkotike”.

Sakaq ai tha se të arrestuarit kanë deklaruar se janë vetëm përdorues të lëndëve narkotike dhe jo kultivues apo tregtues.

“Për të 10 kërkesat e bëra në gjykatë u vendos vlerësimi i ndalimit dhe arrest me burg për të gjithë. Akuza është ‘prodhim dhe tregtim të lëndëve narkotike. Me do të zbatojmë ligjin. Të arrestuarit kanë pranuar vetëm faktin se janë përdorues dhe jo kultivues”, u shpreh avokati Edmond Dëma.

Mega-operacioni “Tempulli” vuri në pranga 233 persona në të gjithë vendin ndërsa 82 të tjerë u shpallën në kërkim.

Me arrestimet u shkatërruan 23 grupe kriminale që shpërndanin drogë nëpër shkolla dhe lokale.